الجبل بو نشاك

الجبل بنشاك وينبغي ترتيب الذهاب إليه بحيث لا ينبغي الذهاب إليه يوم اجازه الجمعة أو السبت لأن أهالي جاكرتا يتوجهون إليه في هذين اليومين مما يسبب الزحام في الطريق وكذلك على الفلل الأفضل أخذ فله أو شقه وهي رخيصه نسبيا من 150 إلى 250 ريال حاولوا تروحون للجبل وسط الاسبوع وعندهم وسط الاسبوع يعني الاثنين الى الخميس باقي الايام الجبل زحمه مره مره لكن اذا انت مصر وتعاند الا تبي تروح نهاية الاسبوع الله يعينك على الزحمه زحمه الطريق غير طبيعيه ابدا والطريق عباره عن شارع واحد الين توصل الجبل ويكمل هذا الطريق الى باندونق اماكن التنزهه هي حديقة الحيوان الجميلة ولا تنس الاستعراضات الحيوانية به وكذلك المسبح رغم برودة الجو فيه وهذا يجعلنا نخبركم بأن الجو مائل إلى البرودة وممتاز وكذلك يوجد مزارع الشاي وكذلك قمة الجبل وكذلك الشلال والله يعينك على المشي بس والله يستاهل ويوجد به مطاعم كثيرة وللمعلوميه أكثر وسائل النقل عبر الدبابات فالله يعينك لأن بعض الطرق ضيقة ويوجد مطاعم عربية وسريعة ولكن حذاتري ثم حذاري من بائعات الهوى المنتشرات بامراضهن وكذلك الحذر واجب عند الصرف وكذلك أحذر من الحضارم اللذين يبيعون العود ودهن العود فهم كذابين وسعرهم غالي جدا جدا
# للسكن:
*مجمع القولف
*ومجمع باريتا
*ومجمع دلتا
*ومجمع جاكرتا

طبعا اللي يقولك بريتا؟؟ هذا ما عنده سالفة ويسمحلي لأنها مدمورة في عندك الجولف وعندك جاياكرتا وفيه والله كثيرين بالجبل لاكن من كثرهم تنساهم ويتراروح طبعا سعر الفلة على حسب فيه فلل صغيرة وفيه كبيرة وطبعا سعر الفله الكبيرة سعر غرفة بجاكرتا في فندق أربع نجوم اذا مهوب ارخص وأنت عليك الحساب


"باندونق" (ذات طبيعية جميلة هادئة وبراكين خامدة)

• والله باندونق حلوة مرة ولا تستعدي انك تطول فيها تقدر تطلع لها برحلة صباحة من جاكرتا وترجع بالمساء واذا ودك تنام فيها تقدر تسكن ليلة وترجع

• السفر بالقطار من والى باندونق ارخص ولكن لمن ليس لديه حقائب كبيره اما اذا كان
لديك مثل تلك الحقائب فلا بد من السفر بالسياره وانصحك بالسياره ..سيكلفك المشوار بالسياره حوالي 120ريال ولابد ان تسافر بالنهار لتستمتع بالمناظر الطبيعيه الخلابه تستغرق الرحله حوالي ثلاث ساعات ونصف وان تخطط بحيث تكون رحلتك لباندونق خلال وسط الاسبوع لتبتعد عن الزحام ومشكلة توفر الغرف بالفنادق فكثير من سكان جاكرتا يتجه اليها يوم الجمعه والسبت ويعودون منها لجاكرتا يوم الاحد ..اذن القطار ياأخي ليس بتلك الفخامه التي تتصور ولايصلح الا لمن يسافر لوحده او شخصين ..
واذا كنت مرغما على السفر لباندونق في عطلة الاسبوع فاحرص على ان تحجز في احد الفنادق مقدما من جاكرتا ومكاتب السياحه تتوفر لديها مثل ذلك ...

• بالنسبه للسياره المستأجره

لاتدفع كامل المبلغ مقدما للسائق احرص على الاتفاق مع السائق على جميع الأمور من البدايه مثل:
من يتكفل تعبئة بنزين السياره السفر بالسياره خارج العاصمه من يتكفل بدفع قيمة ضريبة الخطوط السريعه والمواقف وهذي عادة يتحملها المستأجر وهل يشمل السعر نفقة وجبات الأكل للسائق وكذلك نوعية مسكنه وتأكد من وجود المكيف بالسياره وكذلك الراديو والمسجل ايضا تأكد من أن السعر يختلف بحسب موديل السياره ونصيحه اخويه لاتترك السياره وفيها الحقائب او وثائقك مهما اعطاك السائق من امان ولكي تكون مرتاحا لأبعد الحدود كن واضحا مع السائق بالنسبه لتلك الشروط ليعرف ماله وما عليه

• يوجد عند البركان القريب من مدينة باندونق منتزة الماء الحار المعروف بإسم Hot spring فهي مياه معدنية حارة لا تصلح للشرب وإنما التدليك ، وتأتي هذه المياه عندما يسقط المطر على فوهة البركان ثم يمر على الحمم وينساب من داخل الشقوق في البركان وتخرج على الطبيعة .

Posted in: معالم سياحية